சமூக ஊடகங்கள் தகவல் பெறுவதற்கு ஏமாற்றுதல்

வங்கியிலிருந்து அல்லது கடன் அட்டை வழங்குபவரிடமிருந்து, ஓர் அரச திணைக்களத்திடமிருந்து, உங்கள் பாடசாலை அல்லது கல்லூரியிலிருந்து, ஓர் அங்கத்துவ அமைப்பிலிருந்து அல்லது நீங்கள் வாங்குகின்ற இணையத்தளத்திலிருந்து உங்களுக்கு சில விபரங்களை – குறிப்பாக ஒரு கடவுச் சொல், PIN அல்லது ஏனைய அந்தரங்க தகவலை வழங்குவதற்காக ஒரு தொடர்பை பின்பற்றும்படி நம்பவைக்கும் ஒரு மின்னஞ்சலைப் பெறலாம். அந்த செய்தி முறைமையில் (system) சில மாற்றங்களை அவசரமாக செய்ய வேண்டியுள்ளது, இல்லாவிட்டால் உங்கள் கணக்கு மூடப்படும் என உங்களை எச்சரிக்கலாம்.

உங்கள் நிறுவனம் தற்பொழுது மேற்கொள்ளுகின்ற ஒரு முக்கியமான கருத்திட்டத்திற்கான இற்றைப்படுத்தலை, அல்லது சம்பள ஏற்றம் அல்லது பதவி உயர்வு பற்றிய தகவலை அந்த செய்தியில் கேட்கலாம். பெரும்பாலும் அந்த இணைப்பு எளிதான சொல் (word) ஆவணமாக அல்லது excel sheet ஆக இருக்கலாம். அது ஒரு வைரசைக் கொண்டிருக்கலாம்.

வேறொரு நாட்டில் சிக்கியிருப்பதாக, அங்கே அவருடைய பொருட்கள் களவாடப்பட்டிருப்பதாக, தாக்கப்பட்டிருப்பதாக மற்றும் வைத்தியசாலையில் அனுமதிக்கப்பட்டிருப்பதாக ஒரு நண்பனிடமிருந்து ஒரு செய்தி வரலாம். நீங்கள் பணம் அனுப்பினால் வீட்டுக்கு வரலாம் எனவும் எவ்வாறு பணத்தை (குற்றம் புரிபவருக்கு) அனுப்புவது என்றும் அந்தச் செய்தியில் இருக்கும்.

இதுவும் ஒரு வகையான ஊடுருவும் (hack) செயற்பாடாகும். இதில் ஈடுபடுபவர்களிடமிருந்து புதிய கொள்கை பற்றிய மேலதிக தகவலை அறிவதற்கு ஒரு செய்தி அல்லது மின்னஞ்சல். பாடசாலை, ஊழியர், முதலாளி போன்றவர்களிடமிருந்து உட்புகும் தகவல்களை, கூருணர்வு மிக்க ஊழியர் தரவுகளைப் பெறுவதற்கு அல்லது வெறுமனே பாதிக்கப்பட்ட இணைப்பை அல்லது தொடர்பை அணுகல் (click) செய்யும்படி கேட்பார்கள்.